
Li Kanîreşê li dijî talana xwezayê meş û mîtîng hat lidarxistin

2026-04-25 11:17:37


	&nbsp;

	ÇEWLÎG - Bi pêşengiya sazî û dezgehên ekolojiyê li navçeya Kanîreşê ya Çewligê li dijî projeyên talana xwezayê meş û mitîng hate lidarxistin.

	&nbsp;

	Bi pêşengiya Tevgera Ekolojiyê ya Mezopotamyayê dê li navçeya Kanîreşê ya Çewligê li dijî projeyên talana xwezayê û serûbinkirina pergala ekolojîk mitîng bê lidarxistin. Piştî mitînga li Gimgimê, berxwedana li dijî projeyên talankirina xwezayê îro li navçeya Kanîreşê berdewam kir. Platformên jîngehê, komeleyên ekolojiyê û parêzvanên xwezayê yên ku ji gelek bajarên bakurê Kurdistan û Tirkiyeyê yên cuda hatine, tevî gelê herêmê li dijî projeyên Santralên Enerjiya Jeotermalê (JESê) bûn yek deng û meş pêk anî.

	&nbsp;

	Di meşê de pankartên “Em ê jîyanê bi parêzin” , “Em ê rê nedin jeotermalê”, “Em jeotermalê naxwazin” hatin vekirin û her wiha dowîzên “Pişgirtî dide jiyandin”, “Ne Tonî, ne Conî, ne HES, ne jî JES gerek bibin yek her kes” , “Parastina gundê me parastina pêşerojê ye” hatin rakirin. Dirûşmên “Bêdeng nemîne hûn bêdeng bimînin dê dor were we” , “Em ê bi berxwedanê serbikevin” hatin berzkirin.

	&nbsp;

	Girseya ku nûnerên civaka sivîl û ekolojîst jî di nav de bûn, li Xaçerêya navçeyê li hev civiyan û dest bi maşê kirin. Meşê bi berzkirina dirûşman heta ber avahiya Şaredariya Kanîreşê berdewam kir. Piştî meşê miting hat lidarxistin.

	&nbsp;

	Mîtînga ku bi dirûşmên, “Axa me jiyana me ye”, “Jin jiyan azadî” hatedestpêkirin, Parlamentera Dêrsimê Ayten Kordu, Parlamentera Stenbolê Kezban Konukçu, Parlamentera Mûşê Sumeye Boz û Palamenterê Çewligê Omer Faruk Hulakî axivîn.&nbsp;

	&nbsp;

	Piştî axaftinan mîtîng bi dawî bû.

	&nbsp;

	&nbsp;

	

	&nbsp;