Li Yenîkapi roja dîrokî: Ji Newrozê dîmen û peyamên hatin dayîn

2026-03-22 18:42:25


	 

	 

	STENBOL-Yenîkapi ji rojeke dîrokî ya din re şahidî kir. Dirûşmeya ‘Bijî serok Apo’ bê navber hat berzkirin, Çetîn Arkaş û Koma Amed eleqeyek mezin dît.

	 

	Newroza Stenbolê li Qada Yenîkapi bû. Bi sedhezaran kes hatin gel hev û di pîrozbahiyan de kêliyên derketin pêş wiha bûn:

	 

	*Ji ber hewaya sar û baranê dihat payîn ku tevlibûn kêm be. Lê ji saetên sibehê de bi sedhezaran kes herikîn qadan.

	 

	*Li rawestgehên metroyê bi hezaran  şalên bi rengên kesk, sor û zer hatin firotin.

	 

	*Ji gel û baweriyên cuda gelek kes tevli pîrozbahiyê bûn.

	 

	*Li Qadê posterê Rêberê Gelê Kurd Abdullah Ocalan hat vekirin.

	 

	*Bê navber dirûşmeya ‘Bijî Serok Apo’ hat bgerzkirin. Ligel vê ‘jin jiyan azadî’ hat berzkirin.

	 

	*Jin û ciwanan eleqeyek mezin nîşan da.

	 

	*Peyamên der barê Bakur û Rojhilatê Sûriyeyê û dirûşme derketin pêş.

	 

	*Peyama Abdullah Ocalan û ji sekreterya Îmraliyê axaftina Çetîn Arkaş bi baldarî hat guhdarkirin.

	 

	*Demên herî bi coş jî di dema konsera Koma Amed de hat jiyîn.

	 

	*Piştî nîvro herikîna gel a qadê berdewam kir.

	 

	*Di axaftinan de peyamên derketin pêş azadiya fîzîkî ya Abdullah Ocalan, têkoşîna hevpar a gelan, yekitiya demokratîk a Kurdan, rêxistibûna jinan bû.

	 

	*Seranserê rojê govend hat gerandin.

	 

	*Cih bi cih di nokteyên kontrolê yên polîsan de cil û berg yên wek şal û şepik hatin astengkirin.

	 

	*Ozgur Çelîk yê CHP’î tevli Newrozê bû.

	 

	*Komeke jin ku bi Sebahat Tuncel re bi laçikan kezî hûnandin bûn û derketin ser sahneyê eleqeyek mezin dîtin.