
Li Şemrexê xwepêşandana fîlman 

2026-03-06 12:15:15


	&nbsp;

	NAVENDA NÛÇEYAN - Şaredariya Şemrexê di çarçoveya çalakiyên 8'ê Adarê de pêşandana fîlman li dar xist.

	&nbsp;

	Desteya Polîtîkayên Jinan a Şaredariya Şemrexê li Mêrdînê çalakiyek pêşandana fîlman li dar xist. Çalakî li Navenda Civakî ya li hember Kale Petrolê ya li Taxa Kayalarê hate lidarxistin. Hevşaredara Şemrexê Kudret Uçuk û gelek jin beşdarî çalakiyê bûn.

	&nbsp;

	Çalakî bi pêşandana slaytê ya ku ji hêla Rêveberiya Polîtîkayên Jinan a Şaredariya Şemrexê ve ji bo balkişandina ser jiyan û têkoşîna jinên karker hatibû amadekirin dest pê kir.&nbsp;

	&nbsp;

	Piştî pêşandana slaytê, çalakî bi pêşandana fîlmê "Kevirkirina Sorayê" bi dawî bû. Fîlmê hat pêşandan zext û şîdeta civakî ya ku jin pê re rû bi rû dimînin vedibêje.

	&nbsp;