
Hejmara 1'emîn a Azadiya Welat derket

2026-01-12 09:41:51


	&nbsp;

	Hejmara 1'emîn a Rojnameya Azadiya Welat, bi manşeta “Berê me li Rojê, ji bo siberojê; Dîsa azadiya welat” derket.

	&nbsp;

	Rojnameya Azadiya Welat ku bi KHK'ê hatibû girtin, piştî dîsa navê xwe paşve girt, ji nû ve dest bi weşanê kir. Rojnameya Azadiya Welat li cihê ku Rojnameya Xwebûnê lê mabû rêya xwe berdewam kir. Rojnameyê di hejmara yekemîn de manşeta “Berê me li Rojê ji bo siberojê, Dîsa Azadiya Welat” avêt û gihişt ber destê xwînerên xwe. Rojnameyê di nivîsa edîtor de dibêje; “…Em wek Azadiya Welat berê xwe didin Rojê û ji bo pêşerojê piştî 10 salan dîsa vedigerin nav jiyana we. Em di wê baweriyê de ne ku bi piştgirî û xwedî derketina xwîner û gelê ji her carê hê bi hêztir û geştir bibe.”

	&nbsp;

	Rojnameya Azadiya Welat di hejmara 1'emîn de cih da hevpeyvîna ku bi Hevserokê MAF-DAD'ê Mahmut Şakar re li ser şert û mercên Rêberê Gelê Kurd Abdullah Ocalan re hatiye kirin. Dîsa cih da gotar û lêkolînên nivîskar Mulkiye Bîrtane, Medenî Ferho, Felemez Ulug, Hesen Huseyîn Denîz, Adar Gulan, Adar Jiyan, Kurdistan Lezgiyeva, Tayip Temel, Salîha Ayata, War Botan, Siyabend Aslan, Lîzşêr Amed, Nesrîn Adar, Zaza Cebelî, Fatma Taşli Tunç, Xelîl Xemgîn, Alî Guler û Serdar Altan.&nbsp;