Ji Kombûna Jinan a Zenûbiya li dijî qetilkirina jinan daxuyanî


2025-08-31 17:11:41


	 

	NAVENDA NÛÇEYAN - Meclisa Kombûna Jinan a Zenûbiya ya kantona Reqayê, cînayetên jinan şermezar kir û daxwaz kir ku sûcdar hesab bidin û werin cezakirin. Meclisê, destnîşan kir ku parastina jinan berpirsyariyek kolektîf e.

	 

	Meclisa Kombûna Jinan a Zenûbiya ya kantona Reqayê, der barê tundiya li ser jinan de daxuyaniyek da û fikarên xwe yên têkildarî zêdebûna cînayetên jinan anî ziman.

	Di daxuyaniyê de bang hat kirin ku cezayên giran ji bo sûcdarên tundiya navmalî û qetilkirinê werin birîn, kampanyayên hişmendiya berfireh ji bo xurtkirina nirxên wekhevî û edaletê werin destpêkirin, rola saziyên rewşenbîrî û ragihandinê ji bo bevalkirina xîtaba mirovî û exlaqî were aktîvkirin.

	 

	Meclisê, di daxuyaniya xwe de ji aliyên eleqedar xwest ku bêyî îstîsna hesab ji sûcdaran bixwazin, tedbîrên parastina jinan û jinên ciwan bigirin. Meclisê da zanîn ku civak bi bêdengî û paşguhkirina xwe ya ji sûcên dijî jinan re berpirsiyar e.

	 

	Meclisê, di dawiya daxuyaniya xwe de diyar kir ku jiyana jinan rûmetek e ku bazarî li ser nayê kirin: "Em hemû jinên xwecihî û cîhanî li hember van sûcan bisekinin û dengê jinan bikin qêrîneke jiyanê ku tê de tundî bi cih nabe û qetilkirin wê venamirîne."