Ji pênûsa jinekê pirtûkek nû derket 

2026-09-23 11:35:20


	 

	NAVENDA NÛÇEYAN - Weşanxaneya Nûbiharê, bi pirtûkek nû ya çîrokên gelêrî pirtûkxaneya kurdî dewlemendir dike. Nivîskar Yasemîn Elban, çîrokên ku ji zaroktiya xwe ve li ser axa Anatoliya Rojhilat û Bakur kom kirine, di bin navê “Qehreman û Qeyteran” de anî cem hev.

	 

	Weşanxaneya Nûbiharê ku di warê çand û wêjeya kurdî de xwedî kedeke mezin e, vê carê bi berhemeke taybet a ji pênûsa jinekê derket pêşberî xwendevanan. Çîrokên ku ji aliyê nivîskar Yasemîn Elban ve hatine hûnandin, wekî destegulek ji çîrokên gel hatin weşandin.

	 

	Bîra Gelêrî ji Gundê Çorsênê heta Agirî û Mêrdînê

	 

	Di daxuyaniya li ser danasîna pirtûkê de tê destnîşankirin ku çîrok bi hezar salan e rêbazeke bingehîn e ku gelê kurd jiyan, huner û şîretên xwe pê digihîne nifşên nû.

	 

	Yasemîn Elban ev berhem bi kedeke mezin berhev kiriye; çîrok, çîrçîrok û meselokên ku di zaroktiya xwe de li gundê Çorsênê ya Tetwana Bîtlîsê ji devê kal û pîran bihîstiye, bi berhemên çîrokbêjên herêmên Agirî, Mêrdîn, Êlih, Gimgim, Êdir û Melazgirtê re kiriye yek.

	 

	Di Rûpelên Pirtûkê de Cîhana Xeyal û Rastiyê

	 

	Pirtûka ku bi navê “Qehreman û Qeyteran: Destegulek ji Çîrokên Gel” derketiye, xwendevanan dibin nava cîhaneke ku xeyal û rastî lê têkel dibin. Hin taybetmendiyên berêka çîrokên di pirtûkê de ev in:

	 

	“Qehremanên Qenc”, “Jinên Jîr”, “Paşayên Bêbext” ku heryek ji wan dibe dersek û şîretekê dihewîne.

	 

	Bi vê bîra kûr a civakî re, pirtûk ji bo xwendevanên ku dixwazin bi bîra çanda xwe re bibin yek, derfeteke mezin e û ev berhema hêja di nav refên Nûbiharê de li benda xwendevanên xwe ye.