AMED - Tugba Varan, şofora otobuse ya Şaredarîya Bajarê Girdî ya Amedî, va, "Ez wazena meslegdaranê xo yê cinîyan tena nê sektorî de, la eynî wextî de cayê bînî zî bivînî. Ez tena semedê xo nê, la semedê pêro cinîyan tîya ya.

 

Tugba Varan, şofora otobuse ya Şaredarîya Bajarê Amedî ya Girdî, fehmê "karê camêrdan" şikinaya û muhîmîya karê cinîyan û vetişê potansiyelê înan qetî kerda. Tugba Varan yew cinîya ke nê têkoşînî kena ya wina vana: "Ez semedê pêro cinîyan tîya ya."

 

'Ez wazena cinî her cayî de amade bê’

 

Tugba Varane dayîkêke zewicnaye ya hîrê tutan a, Mêrdîn ra ya û dîyar kerd ke aye qijî ra ramitişî ra hes kerda. Tugba Varan va: "Min qet xeyal nêkerdêne ke ez o wesayîtêk hende pîl biremnî, la ez serkewte bîya. Wexto ke cinî çîyêk wazenê, kes nêeşkeno vernîya înan de vindero. Ez wazena cinî her cayî de amade bê. Cinî eşkenê eynî karê camêrdan bikerê. Camêrd û cinî têduşt ê."

 

'Ez qet vatişê, 'cinî nêeşkenê bikerê' qebûl nêkena'

 

Tugba Varan dîyar kerd ke cinsê cinîyan semedê şoforî timî sey problem ameyo mojnayîş û va: "Ez qet yê ke vanê, 'Cinî nêeşkenê bikerê, ganî ê keye de bê û tutanê xo pîl bikerê’, qebûl nêkena. Sey cinî roja ke ma dayîke ra benê, heta peynî ma xidarîyan dir têkoşîn kenê. Cinî her cayî de eynî çî dir rî bi rî manenê. Sey cinîyêke, ez wazena hevalanê xo yê cinîyan her cayî de weşik bivînî. Eke cinî bibê yew û xo birêxistin bikerê, ê do tu wext teslîmê teda û hêza bêtêduştîya camêrdan nêrê. Cinî wayîrê hêzî yê ke her çî de serkewte bê."

 

'Ez wazena hûmara ma zêde bibo'

 

Tugba Varan va ke ganî îmkananê Şaredarîya Amedî ra feyde bigîrê û wina veng da: "Vernîya her çî, ma dostanîyê baş viraştê. Ez zaf keyfweş a ke cinîyanê sey xo vînena û ez wazena hûmara ma zêde bibo. Ma eşkenê cayê baş û weşêr de bê. Ez wazena hevalanê xo yê cinî tena nê sektorî de nê, la wareyê bînan de